The eulogies in these early documents are written in Latin. Perhaps, some day we'll be able to translate them for you, but until then, they are presented as they are found.
ELOGIA -- Oct. 4, 1944
PATER FRANCISCUS HENRICUS DUGAN
Natus in Zanesville, Ohio, die 25a Novembris, 1875, professus die 12a Junii, 1893, ordinatus die 6a Julii, 1898. Usque ad annum 1930 laboravit in paroeciis in urbe Denveriensi, Minneapolitana, Novarcensi, Memphis, et Providentiensi. Anno 1932 electus est prior Conventus S. Antonini, Novarcae. Deinde anno 1936 designatus est parochus paroeciae SS. Rosarii, Houston. Aegritudinibus per totam vitam religiosam patienter sustentis R.P. Fr. Dugan sua industria et acumine mentis defectibus corporis supplevit. Mortuus est apud Nosocomium S. Francisci, Jersey City, die 20a Februarii, 1941.
FRATER EDUARDUS COEMGENUS GALLAGHER
Natus est die 25a Martii, 1917, professus die 16a Augusti, 1938, mortuus die 3a Julii, 1941, apud Nosocomium S. Mariae, Rochester, Minnesota. Educatione primaria in scholis Neo-Eboraci recepta, in Universitate Fordham per duos annos studia fecit. Deinde novitiatum Ordinis spud Conventum S. Rosae ingressus est. Tribus annis post professionem nondum completis, incidit in morbum fatalem. Praeclarum exemplum caritatis et humilitatis, patientiae et longanimitatis, in memoria Fratrum suorum locum semper habebit hic verus discipulus S.P.N. Dominici.
PATER PAULUS VICTOR FLANAGAN
Natus est die 27a Martii, 1904; professus est die 27a Augusti, 1924, et ordinatus die 16a Junii, 1930. Mortuus est in Nosocomio Good Samaritan, Pottsville, Pennsylvania, die 3a Aprilis, 1942. Laurea in Iure Canonico adepta, hanc scientiam et theologiam pastoralem in Studiis nostris docuit. Deinde missionarius, postea vero Caput Missionum electus, per sex annos verbum Dei strenue praedicavit. Propter eius sollicitudinem erga Patres Fratresque invenes, eum ut consiliarium semper fidelem carum habebant. Sed Dei voluntate a vita nostra subito arreptus, discessus eius ab omnibus luctus est.
PATER HENRICUS JOSEPHUS SCHROEDER
Natus est die 5a Maii, 1875, professus die 25a Decembris, 1903, ordinatus die 21a Junii, 1907, mortuus est die 7a Maii, 1944, apud Collegium S. Mariae ad Fontes, urbe Columbensi, in Ohio. Apostolatum suum tam in missionibus paroecialibus quam in Collegiis Studiisque provincialibus exercuit. Arte musica praeclarus, amator observantiarum choralium Ordinis zelosus erat. Assidue laboravit augendo bibliothecam Studii nostri S. Thomae Aquinatis de River Forest, cuius conventus supprior et cantor tempore mortis erat. Indefesse in apostolatu scribendi elaborans, famam Ordinis per opera sua critics The Disciplinary Decrees of the General Councils, et The Canons and Decrees of the Council of Trent, magnopere amplificavit.
PATER GUILLELMUS PETRUS MCINTYRE
Die 20a Novembris, 1864, natus est. In professione legali laboravit, sed a Deo ad
sublimia vocatus, professus est die 17a Augusti, 1898, et ordinatus die 10a Octobris,
1901. Mortuus est die 3a Septembris, 1942, in Nosocomio Oak Park, in urbe Oak Park,
Illinois. Post ordinationem eius redactor ephemeredis The Rosary Magazine fuit per
undecim annos, inter quos initiavit The Holy Name Journal. Postea in Collegio S.
Thomae Aquinatis, urbe Columbensi in Ohio, ad docendum se devovit, deinde ad
curam animarum et in opere missionum se dedit. Ultimos annos vitae suae transegit ut
parochus in Ecclesia S. Vincentii Ferrerii, River Forest, quae sub eius cura late crevit
novis aedificiisque ornata est . Ingenio praeclarus animaque hilaris, magnus amator
exstitit vitae communis.
FRATER DOMINICUS GLYNN (CONVERSUS)
Natus est die 15a Maii, 1867; professus die 8a Aprilis, 1900; mortuus est die 1a Decembris, 1943, Novae Aureliae. Usque ad annum 1914 in propaganda ephemeride, The Rosary Magazine, magnos fecit labores. Tunc usque ad annum 1940 assignatus fuit ad Conventum SS. Rosarii, Minneapoli, ubi inter alia devotissime se dedit ad instruendos pueros et iuvenes altari inservientes. Anno 1940 debilis corpore sed mente adhuc integer et semper omnibus amabilis, ad Conventum S. Antonii Patavini, Novae Aureliae, assignatus fuit. Exemplum eximium per totam vitam suam religiosam praebuit obedientiae et fidelitatis in munere implendo.
PATER JACOBUS BENEDICTUS HEGARTY
Natus est die 24a Augusti, 1872, professus die 15a Augusti, 1892, ordinatus die 12a Martii, 1897, et mortuus est die 22a Martii, 1943, in nosocomio S. Mariae, Minneapoli, Minnesota. Por totam vitam suam demonstravit magnum zelum in procurando salutem animarum. Memoria eius in benedictione erit tanquam missionarius fidelis, sacerdos exemplaris et pastor verus in multis locis : Memphis, Campifontis, Novarcae, Washingtonii, Kansanopoli, Columbi et Minneapoli.
FRATER FRANKLIN CHRYSOSTOMUS SEERY
Natus est die l0a Januarii, 1915, professus die 12a Septembris, 1939, mortuus est die 8a Aprilis, 1943, in Nosocomio Loreto, Chicagiae. In arte poetica versatus est. Scripturarum amore incensus est. Magistrum divinum fideliter secutus est. Exemplum caritatis, dulcedinis et patientiae heroicae in morbo acerbissimo fuit.
PATER JOANNES SYLVESTER FRAHER
Natus est die 7a Maii, 1915, professus die 16a Augusti, 1938, ordinatus die 9a Martii, 1944, mortuus est die 19a Aprilis, 1944, in Nosocomio Loreto, Chicagiae. Fuit alumnus nostri Gymnasii Fenwick, Oak Park, Illinois, et Collegii Providentiensis a quo promotus est ad Baccalaureatum Artium. Post novitiatum in Conventu S. Rosae Campifontis, Kentucky, peractum, studiis in Conventu S. Thomae Aquinatis, River Forest, peregit. Per unum mensem apud nos ut sacerdos remanebat, sed in hoc quidem brevi intervallo corda et animas multas propter patientiam et resignationem eius ad Deum convertit.
PATER GUILLELMUS CAROLUS KELLY
Natus est die 21a Septembris, 1886, professus die 8a Decembris, 1914, ordinatus die 12a junii, 1921, mortuus est die 26a Aprilis, 1944, in Nosocomio S. Francisci, Neo-Eboraci. Totam vitam missionibus dedicavit, fructuose praedicando in fere omnibus regionibus Statuum Foederatorum. Ultimis vitae suae annis sequator observantiae choralis ardens, in conventum a laboribus missionariis revertens, locum in choro statim reasumebat. Pietatem eius solidam omnibus Fratribus praestitit et fidelibus exemplum bonum gestis et verbis semper praebuit.
PATER BASILIUS ARCTURUS COTÉ
Natus est die 1a Junii, 1885. Professus est die 23a Martii, 1924, antea die 21a Julii, 1912, ad statum sacerdotalem promotus. Die 14a Junii, 1944, mortuus est in Bay St. Louis, Mississippi. Fuit capellanus militaris Canadensis annis 1915-1918. Imminente proelio Ambianensi imploravit pro se et militibus suis protectionem S.P.N. Dominici. Gratias agendo Sancto Patri Nostro, Ordinem ingressus est. Post professionem sese devovit ad educationem iuvenum in collegiis nostris, et ad salutem animarum in paroeciis.
EULOGIA -- July 13, 1948
FRATER IACOBUS BAILEY (Conversus)
Natus est die 13a augusti, 1927, in urbe Milwauchiensi, Wisconsin. A Sororibus S.
Dominici in Schola S. Rosae educatus, per exemplum B. Martini de Porres ad
ingrediendum Ordinem Praedicatorem inspiratus est. Habitum S. P. N. Dominici die
14a augusti 1944 recepit. Durante eius postulatu, pietatis exemplum mirabile exhibuit.
Novitiatus autem eius, Deo volente, a morte subitanea praecisus est. Paucis horis post
eius professionem, urgente mortis periculo, die 7a novembris 1944 in Nosocomio Oak
Park mortuus est.
PATER BERNARDUS CAROLUS MURRAY
Natus est die 17a februarii, 1868; professus est die 21a novembris 1889; ordinatus est l0a novembris 1894. Mortuus est die 3a Aprilis 1946 in Nosocomio Oak Park, Oak Park, Illinois. Ministerii sacerdotalis initium in paroeciis sub cura Ordinis nostri fecit. Praedicator ingenii magni, tamquam missionarius per multos annos strenue laboravit, ita ut Praedicatoris Generalis titulo decoratus est. Aegritudinibus per decem annos ante eius mortem oneratus, exemplum patientiae et affabilitatis, industriae et paupertatis religiosae praebuit. Anno 1944 apud Conventum S. Thomae Aquinatis, River Forest, iubilaeum aureum suae ordinationis celebravit.
PATER EDUARDUS LAURENTIUS VAN BECELAERE
Die 24a novembris, 1872, in Belgio, natus est. Novitiatum Ordinos in urbe Ambianensi ingressus est, ubi anno 1889 professus est. Cursum studiorum ordinarium in Corsica complevit, et ibi die 24a martii, 1895, ordinatus est. Post aliquot annos tamquam professor in Studiis Generalibus Canadensis, apostolatum suum in Statibus Foederatis Americae Septentrionalis incepit, anno 1904. Affiliatus Provinciae S. Joseph anno 1926, ad Conventum S. Clarae, Sinsinawa, Wisconsin, assignatus est, anno 1933. Usque ad mortem ibi docebat. Anniversarium quinquagesimum ordinationis suae observavit, anno 1945. Post multos annos fructuosos in servitio Dei et Ordinis mortuus est die 12a aprilis, 1946, apud Nosocomium Misericordiae in urbe Dubuquensi, Iowa.
PATER GREGORIUS RAPHAEL SCHOLZ
Natus est die la maii, 1882; professus est die 16a aprilis, 1901, ordinatus die 21a iunii, 1907. Immediate post completionem studiorum assignatus est in gymnasio S. Thomae Aquinatis, Columbi, Ohio, ubi docebat per aliquot annos. Postea se dedit operi paroeciali, et tamquam pastor animarum praefectus est ecclesiis nostris SS.mi Nominis, Philadelphiae, S. Dominici, Youngstoniensis, Ohio; S. Dominici, Detroitensis, Michigan; S. Antonii Patavini, Novae Aureliae in Lousiana, ubi nominatus est primus Prior conventus. Tempore eius mortis erat parochus ecclesiae nostrae SS. Spiritus, Hammond, Louisiana. Apud nococomium Misericordiae, Novae Aureliae mortuus est, die 9a iunii, 1946. Sicut Ipse Pastor Bonus vitam suam pro gregibus fidelium impenderat.
PATER ROSCOE FRANCISCUS LARPENTEUR
Die 13a decembris, 1872, natus est, professus est die 21 a novembris, 1889. Ad
complendum cursum eius studiorum Europae misso, ordinatus est in urbe Lovaniensi,
die 8a septembris, 1895. Lectoratu in Sacra Theologia ornato, per paucos annos apud
Conventum S. Joseph, Somerset, Ohio, professor erat. Deinde ut pastor animarum
Kansanopoli, Columbi, Denveri laboravit. Ministerii autem eius magnam partem
tamquam missionum et exercitiorum spiritualium praedicatorem peregit. Propter hoc
servitium titulo Praedicatoris Generalis decoratus est. Paulo post aureum eius
iubilaeum, Minneapoli, urbe nativitatis eius, cum caritate magna et devotione, mortuus
est in Conventu SS. Rosarii, die 27a aprilis, 1947.
PATER IACOBUS ANDREAS O'DONNELL
Morte subitanea die 2a octobris, 1947, a medio nostro ereptus est. Die 5a octobris, 1900, natus est, professus die 25a septembris, 1924, et ordinatus est 21a iunii, 1928, cursu philosophico iam peracto apud Seminarium S. Pauli, in urbe eiusdem nominis. Tempore mortis Caput Missionum erat, cum residentia apud Conventum S. Pii, Chicagiae, in quo mors eum captavit. Antequam operam missionariam assumpsit, per paucos annos in gymnasio S. Thomae Aquinatis, Columbi, Ohio, docuit, et in paroecia S. Alberti Magni, Minneapoli, laboravit. Cum zelo animarum magno verbum Dei usque ad ultimam diem vitae suae praedicavit.
PATER IOANNES ANTONIUS MURTAUGH
Chicagiae natus est die 13a aprilis, 1903, professus die 27a augusti 1924, die 16a iunii,
1930, ordinatus est. Post studia complementaria in Universitate Catholica Americae ad
gymnasium Fenwick, Oak Park, Illinois, assignatus est, ubi in educatione puerorum
usque ad finem vitae diligenter laborabat. Aliquando erat etiam professor philosophiae
in Universitate De Paul, Chicagiae. Valetudine numquam robustus, per tres annos a
morbo cordis affectus est. Die 23a decembris, 1947, subito exspiravit, Chicagiae,
Illinois. Semper sacerdos et religiosus praeclarus, exemplum benignitatis et patientiae
ad ultimam diem dedit.
EULOGIA -- July 13, 1952
PATER DOMINICUS IOANNES KAVANAUGH, O.P.
Natus die 5a augusti, 1878, et ad presbyteratum die 24 iunii, 1909 elevatus, nominatus est capellanus sororum nostrarum in Sinsinawa, Wisconsin. Salute aliqualiter infirmus illo in tempore, ipse tamen fideliter atque strenuose hoc manus adimplevit per viginti tres annos. Assignatus postea conventui nostro SS. Rosarii, Minneapolitanensi, se aeque zelosum monstravit in rebus paroecialibus, et supprioratus per sex annos exercuit. Prior postea electus in eodem conventu, per tres annos se totaliter dedicavit operi apostolico. Anno 1944 assignatus est conventui S. Pii V, Chicagiae, et anno sequenti, primus pastor novae domus nostrae Cantonensis, So. Dak., factus est. Conventui S. Pii V reversus anno 1947, post unum annum, hic vir apostolicus zelosus, sui obliviosus, et eloquens, dormivit in Domino, die 24a Septembris, 1948.
PATER BENIAMIN BERNARDINUS MYERS, O.P.
Natus est in Evanston, Illinois, die 9a augusti, 1897, professus die 16a septembris,
1917. Ordinatus est die 18a iunii, 1924. Studia complementaria fecit apud
Universitatem Catholicam Washingtonii, et Universitatem "De Paul," Chicagiensis, ubi
promotus erat in Magistratum Educationis. Ministerium sacerdotale primo in paroecia
nostra S. Thomae, Zanesville, Ohio, exercuit. Recognitis meritis suis scholasticis,
nominatus erat tamquam Rector Gymnasii "Aquinas High School," Columbi, Ohio.
Deinde ad Gymnasium "Fenwick High School," nuper erectum Oak Park, Ill.,
assignatus est. Usque ad mortem in hoc officio cum magno fructu tum scholastico tum
spirituali inter iuventutes laborabat. Mortuus est apud Nosocomium "Oak Park," die
11a ianuarii, 1949. Eximius, praeclarus, multoque consultus de rebus academicis, ab
omnibus luctus est.
PATER DANIEL ANTONINUS WYNN, O.P.
Natus est die 24a ianuarii, 1871; professus est die 15a augusti, 1892; ordinatus est die
20a martii, 1897; mortuus est die 27a maii, 1949. Pater Wynn in Hibernia natus est
sed, eo infante, parentes eius ad Americam emigraverunt. A Sororibus in schola
paroeciali S. Elizabeth, Chicagiae, primam instructionem seu educationem recepit;
postea a collegio Sancti Ignatii in eodem urbe graduatus est. Ministerii sacerdotalis
initium in ecclesia Sancti Vincentii, sub cura Ordinis Nostri, Neo Eboraci, fecit. Postea
se dedit operi paroeciali ecclesiis nostris Sancti Petri, Memphis, Tenn., Ssmi Nominis,
Kansas City, Mo., et Sancti Thomae, Zanesville, Ohio. Fuit unus ex conditoribus
Gymnasii Sancti Thomae Aquinatis, Columbi, Ohio, et Primus eius Vice-Praeses; ibi
docebat per aliquot annos. Praedicator ingenii magni tamquam missionarius per
triginta annos in exercitiis spiritualibus et missionibus variis in civitatibus et
communitatibus adlaboravit. Cum zelo animarum magno verbum Dei usque ad finem
vitae praedicavit. Anno 1947 apud Conventum Sancti Thomae Aquinatis, River Forest,
Illinois, iubilaeum aureum ordinationis celebravit. Semper sacerdos et religiosus
praeclarus, omnium virtutum religionum fratribus suis exemplum dedit.
PATER MAG. GUALTERIUS FARRELL, O.P.
Ardens Provinciae S. Alberti Magni in S.F.A.S. totiusque Dominicanae Familiae
fratres, nec non anglici idiomatis catholicos anxit dolor irreparabilisque amissus cum
paucos abhinc menses, die scilicet 23 novembris 1951, humanissimus et carissimus
noster Adm. R. P. Mag. GAULTERIUS FARRELL, sancti Patris Dominici vere filius,
inopinata morte correptus est.
Dum maesto moerentique animo consodalibus atque lectoribus eiusdem obitum publice nuntiamus, tanto viro, inter erroris scopulos veritatis lumen iam existenti et operibus exemplisque adhuc intellectus illuminanti cordaque alenti, meritam laudem persolvere iuvat.
Primam P. Farrell aspexit lucem Chicagiae, medietate anni 1902. Ineunte iuventa mundanis rebus valedicens, ad Dei mancipium vocatus, sortes eius in Ordinem Praedicatorum cediderunt, cuius habitum exultanti corde a. 1920 induit. Tirocinio absoluto, studio philosophiae ac theologiae in conventibus apud Springfield, Kentucky, et Washington sedulo vacavit, quousque ad sacerdotium a. 1927 appulsus est. Deinde in Universitate Friburgensi a. 1930 in theologia lauream consequitur. Ab a. 1931 ad 1942 usque lectoris munere perfungitur Somerset, Ohio, primum, postmodum vero Washington; decurrente anno 1939 ad Regentiam Studii Generalis Provinciae Sancti Ioseph evehitur, et a. 1940 tot laborum praemium carpens, ad Magisterium promotus a Rev.mo Patre Magistro Generali apud S. Sabinam omnium plausu huiusmodi gradum Ordinis summum excepit. Eodemque etiam anno vertente primus Praeses Pontificiae Theologicae Facultatis in Studio Generali Washingtonensi conditae renuntiatur, quo in munere obeundo integrum per lustrum perduravit.
Immani oborto bello, quod fere ubique per orbem ultimis temporibus saeviit, amore patriae pulsus, navim U.S.S. Yorktown ut militaris Capellanus conscendit; deinceps professoris munere in Schola Capellanorum militum penes Universitatem William and Mary erecta ornatur, pacis adsertor invictus, animarumque sollertem maximeque laudandam in omnibus curam gerens. Rebus tandem compositis, ad pristinos labores remeavit primum quidem Washington, deinde River Forest.
P. Farrell ob scripta quoque scientifica rei philosophicae ac theologicae vulgatissimum nomen sibi comparaverat, quae inter recensendum nobis videtur illud primum cui titulum indidit: The Essence o f Natural Law, editum a. 1930; praesertim laudandus est pro opere A Companion to the Summa, quatuor vol. complectens, quod opus instar clavis pandentis arcanam Summae Theologiae Divi Praeceptoris Angelici doctrinam pro millibus lectorum exstitit, imo et exstat. The Looking Glass, postremum opus eius habetur, prodiit mense maii 1951.
Praeter consuetas theologiae lecturas, quatuor alia exarabat opera quae, prius quam praelo committere valeret, morte obrutus, infecta reliquit, quorum magni pretii ipsemet Vitam Christi censebat.
E multiplicibus P. Farrell aliis meritis haec saltem in medium trahere liceat: Con-conditor exstitit et iam moderator ephemeridis The Thomist, ad S. Thomae doctrinam patefaciendam; co-editor et scriptor recentioris Theologiae spiritualis periodici Cross and Crown. Assiduo calamo in praestantioribus catholicorum ephemeridibus operam dedit.
Strenui propugnatoris necnon propagatoris Theologiae Thomisticae haud immerito nomen sibimet vindicavit, quae ut in universitatibus athenaeisque catholicis, in collegiis et institutis pro educanda iuventute conditis, et in conventibus sanctimonialium edoceretur sive per se sive per alios plenis viribus sategit. In pervulganda hac Dei cognitione concionibus ac conferentus toto corde incumbebat.
Ut lector in Domibus Studiorum Ordinis in S.F.A.C. sapientia ad studium exemplo ad virtutem 500 et amplius dominicanos sacerdotes concitavit. Quamobrem eius memoria perpetua manebit, et perennis vitae ac doctrinae lampas accendens. R.I.P.
Exsequiis in S. Pii Chicagiensi ecclesia praefuit Em.mus Princeps Card. Stritch, adstantibus Exc.mis Leone Binz, archiep. coad. Dubuquensi, et Guillelmo Cousins, episc. aux. Cardinalis Stritch, necnon Matribus Generalibus Congregationum Religiosarum sive ex Ordine sive extra grato animo ob P. Farrell sollicitudinem pro sororibus, laicis et innumeris archidioecesis Chicagiensis sacerdotibus cum c200 dominicanis sodalibus.
PATER GUILLELMUS DOMINICUS NOON, O.P.
Natus est New Lexington, Ohio, die 22a februarii, 1875, professus die 12a iunii, 1893, ordinatus Romae in Basilica SS. Salvatoris die 5a martii, 1898. Postquam apud Studium S. Ioseph, Somerset, Immaculatae Conceptionis, Washingtonii, et apud Universitatem S. Thomae, Manilae, munus docendi per multos annos egregie exercuerat, Romam reversus Magisterio S. Theologiae insignitus est. Per sex annos praeses fuit Collegii nostri "Providence," Providentiensi, Rhode Island. Missionarius factus, per totam Novam Angliam verbum Dei indefessus seminavit. Vices parochi cooperatoris per multos annos, paroeciis nostris S. Dominici Washingtonii, S. Petri, Memphide, S. Alberti, Minneapoli, et S. Pii, Chicagiae, sancte et religiose gessit. Ultimos annos vitae suae in medio Fratrum, iubilaeo aureo ordinationis suae sacerdotalis celebrato, placide et humiliter peregit, homo iucundus et simplex adventum Domini sui exspectans.
EULOGIA -- July 17, 1956
PATER VINCENTIUS REGIS WHALEN, O.P.
Morte maxime subitanea die 8a Septembris, 1952, a medio ereptus est. Die 24a
Septembris, 1908, natus; die 16a Augusti, 1937, professus; ordinatus 6a Junii, 1943, in
brevi tempore peregerat vitam plenam. In primis cum zelo maximo animarum
laboravit in paroecia Sanctissimi Nominis, Kansanapoli. Deinde erat syndicus in
Conventu Sancti Thomae Aquinatis, River Forest. Postea ab initio usque ad
completionem aedificii, domus novitiorum, Conventus S. Petri Martyris, Winonae,
Minnesota, nuper erectae, erat assiduus et impiger cooperator cum Provinciali. Semper
laboravit maxima devotione et caritate pro bono communi. Mortuus est, sicut vivit,
jubilans in Deo et coram communitate.
PATER CHRYSOSTOMUS JOSEPHUS McDONALD, O.P.
Natus 16a Januarii, 1912, in civitate Zanesvilliensi in Ohio, Rev. Pater Chrysostomus
Josephus, secundus ex tribus filiis familiae McDonald qui in Ordinem nostrum sunt
ingressi (fratre germano Joanne Jacobo eum praecedente, Eduardo Martino
subsequente), professus est 16a Augusti, 1932, in Conventu venerabili S. Rosae
Campifonti Kentuckiensi. Anno post suam ad sacrum presbyteratum elevationem,
munus professoris suscepit quo per reliquam suam vitam perfunctus est cum magno
emolumento, maxime propter suum affectum erga juvenes atque eximium ingenium
quo ad eos erudiendos praeditus fuit. Docuit in Universitate "De Paul," Chicagiae, in
Studio nostro, in Collegio S. Thomae in civitate S. Pauli, in Gymnasio Trinitatis, River
Forest. Docebat in Gymnasio nostro "Fenwick" quando inopinanter mortuus est 15a
Novembris, 1953. Rev. Pater, junior religiosus, quodam morbo tibiae doloroso
correptus est quem absque vel minima querela sustulit, semper nobis exhibendo
exemplar patientiae et tranquillitatis.
PATER ANTONINUS FRANCISCUS FOX, O.P.
R. P. Fr. Antoninus Franciscus Fox, O.P., in Newark, N. J., primo lucem aspexit. Studiis elementariis in nostra paroecia S. Antonini, Newark, expletis, Collegio S. Benedicti eiusdem civitatis sese addixit. Habitu nostro in Conventu S. Joseph, Somerset, Ohio, induitur, et ibidem vota sua emisit 1a Jan. 1911. Die 17a Maii, 1916, sacerdotio in Conventu Immaculatae Conceptionis, Washington, D. C., initiatus est.
Studiis theologicis peractis, fere totam vitam sacerdotalem animarum curae in ecclesiis paroecialibus devovit. In New York, Pleasantville, Jersey City, Youngstown, Detroit, et New Orleans verbum evangelicum ecclesiaeque sacramenta fidelibus indesinenter communicavit. Die 31a Julii, 1954, in nosocomio "Mercy Hospital," New Orleans, infirma valetudine valde provecta et patienter tolerata, invicto animo, emisit spiritum.
Pater Fox in confessionibus excipiendis semper, patientia sua et assiduitate, fidelibus et religiosis et saecularibus, praesertim clero dioecesano, sese venuste commendavit. Usque ad dies extremas, ubi anni plurimi in vinea Domini ab Officio chorali eum dispensavissent, in prima chori acie locum sibi regulariter vindicaverat.
FRATER LUDOVICUS MARIA DAIGLE, O.P.
Natus est Lynn, Mass., die 8a Augusti, 1893; professus est die 16a Augusti, 1921,
Somerset, Ohio; professus est solemniter die 8a Septembris, 1927, Benicia, California.
A Sororibus in schola paroeciali primam instructionem recepit. Habitu Dominicano
recepto, fideliter munus Fratris Conversi per trigenta tres annos adimplevit. Post
multos annos in Provincia SS. Nommis, Frater Ludovicus Maria in Provinciam S.
Alberti Magni translatus est, ubi, primo, Conventui nostro S. Antonii Patavini
assignatus est. Anno 1950 assignatus est Conventui S. Dominici, Oak Park, Ill.
Dormivit in Domino apud Nosocomium "Alexian Brothers," St. Louis, Mo., die 22a
Augusti, 1954.
PATER GEORGIUS GUILLELMUS ROACH, O.P.
R. P. Fr. Georgius Guillelmus Roach, O.P., Fond du Lac, Wis., die 16a julii, 1896 ortus
est. Humanioribus litteris apprime in pueritia excultus est apud scholam publicam;
deinde altiora petivit apud Gymnasium Sancti Thomae Aquinatis, Columbus, Ohio.
Impulsu Spiritus Sancti actus mundo nuntium remittens, habitum Ordinis in Conventu
S. Joseph, Somerset, Ohio, suscepit. Deinde Conventui S. Rosae, Springfield, Ky.,
deputatus, primum annum disciplinae philosophicae peregit; secundum et tertium et
etiam studia theologica in Conventu Immaculatae Conceptionis, Washington, D. C.,
complevit.
Presbyteratu in ecclesia nostra S. Dominici Washington, D. C., die 4a junii, 1926, ornatus est. Pater Roach naviter operatus est et in paroeciis et in scholis. Animarum curam in Minneapolis, Houston, New Orleans, et Denver suscepit. Quinque annis ut capellanus apud Sorores, Rosaryville, La., fructuose laboravit. Amabiliter et laudabiliter et maximo cum fructu disciplinam philosophicam tum mulieribus religiosis tum saecularibus tradidit. Supremam horam coram suo scrinio media nocte 13a Aprilis, 1955, solus obiit in domo S. Dominici, Denver, Col. Sine strepitu vixit, et pacifice in Domino mortuus est.
Pater Roach mentis acuitate notabilis problemata theologica, praesertim moralia, in elementa simpliciora lepide redegit, et solutiones faciles captu eduxit. Natura mansuetus et corde facile mobilis fragilitatem humanam leniter tractavit, poenitentes suos contra hujus mundi pericula oneraque placide confortavit firmavitque. Philosophia theologiaque illuminatus, confessionibus suscipiendis bene dispositus, indefesse et amplissime operam navavit turn religiosorum turn saecularium.
PATER EUGENIUS RAYMUNDUS KAVANAH, O.P.
Natus die 19a junii, 1901, in civitate Lawrence, Massachusetts, die 17a Augusti, 1921, professus, ad presbyteratum die 9a Junii, 1927, elevatus est. Anno 1928 promotus erat ad Lectoratum in Sacra Theologia. Munus docendi inceptus est in Collegio Providentiensi, deinde in nuper erecto "Fenwick High School," Oak Park, Illinois; deinde in "Edgewood High School," Madison, Wisconsin, muneri docendi junxit officium capellani studentium. Primo in ecclesia S. Vincentii Ferrerii, Neo-Eboraci, postea in ecclesia S. Antonii Patavini, Neo-Aurelii tamquam vicarius cooperator, magno cum fructu in salutem animarum per aliquot annos cura animarum se occupabat. Anno 1947 nominatus est parochus SS. Rosarii, Houston, Texas, ubi tamquam administrator praeclarus et verus pastor animarum agnoscebatur. Post sex annos, reversus est in Conventum S. Antonii, Neo-Aurelii, et munere docendi in Collegio "St. Mary's Dominican" laudabiliter functus est usque in diem mortis suae subitaneae in nosocomio "Hotel Dieu," Neo-Aureliense, die 24a Aprilis, 1955. Professor praeclarus, praedicator eximius, pastor animarum ardens, ab omnibus tamquam sacerdos Deo salutique animarum dedicatus putabatur.
EULOGIA -- July 19, 1960
PATER MARCUS CAROLUS VERSCHURE, O.P.
R.P. Marcus Verschure natus Chicagiae, die 23a Maii, 1916 professus est in Venerabili Conventu S. Rosae, Campifonti Kentuckiensi, Cursum philosophicum et theologicum prosecutus est in Studio Generali nostrae Provinciae, River Forest, Ill., et sacerdos ordinatus est die 18a Junii, 1946. Studiorum cursu anno sequenti expleto, ad ministerium parochiale assignatus est, quod exercuit ubique zelose et fructuose, primo in paroecia S. Vincentii Ferreriensis, River Forest, Ill., deinde in paroecia Neo-Aureliensi S. Dominici, tandem in paroecia Chicagiensi S. Pii. Suavis et benigmus, concionator fortis solidusque, valde aestimatus est ab omnibus quibus praebuit suas ministrationes sacerdotales sed praesertim a junioribus pro opere connexo cum Organizatione Pro Juventute Catholica (C.Y.O.) et a nupturientibus quos et quas quamplurimos instruxit, mediantibus conferentiis Societatis Canae (Cana Conference), pro sancto statu matrimonii. Valetudine inopinate deficiente in autumno anni 1956, post paucos tantum dies a vita decessit, in Nosocomio Chicagiensi S. Antonii, sacramentis roboratus et voluntati divinae perfecte resignatus. Animam cessit Domino, die 9a Octobris, 1956.
PATER THOMAS A'KEMPIS REILLY, O.P.
Natus est in civitate Pawtucket, R.I., die 25a Jan. 1879, professus est die 16a Nov.
1897 et elevatus ad dignitatem presbyteratus die 21a Aug. 1902. Completis studiis in
Venerabili Conventu S. Joseph, Somerset, Ohio, tunc temporis sede Studii Provinciae
S. Joseph, lectoratu ornatus est et ad scholam biblicam S. Stephani in Jerusalem missus
est ut se preparet ad examen pro S.S. Prolytatu subeundum. Hoc feliciter peracto,
docuit in Studio Immaculatae Conceptionis Washingtonensi, Collegio Angelico
Romano et seminario Missionariorum Maryknollensium, juxta
Ossining, N.Y. Ratione autem peculiari aptitudine ad tantas ad tam diversas res, vix una activitas erat ei aliena. In variis locis occupatus est diversis temporibus per totam suam vitam, in ministerio paroechiali; sacras missiones plures praedicabat; concionator erat valde quaesitus exercitiorum spiritualium pro sacerdotibus, religiosis utriusque sexus necnon laicis. Tanta activitas nullo modo minuit eius predilectione pro studio theologiae et S. Scripturae cui quotidie se devovit. Jubilaeo sacerdotali celebrato, et valetudine declinante, assignatus est ad Conventum S. Petri Martyris, Winonae, Minn., ubi obdormivit in Domino die 30 Maii 1957.
FRATER JOSEPHUS FRANCISCUS HARRIS, O.P.
Frater Josephus Franciscus Harris, O.P., in civitate Mobile, Alabama, die 11a Augusti,
1921, natus est. Venit primo ad vitam religiosam ut postulans in Conventu S. Rosae,
Dubuque, Iowa. In litteris satis eruditus erat, tamen, ob humilitatem, apud Fratres
Cooperatores enumerari petiit. Habitum Ordinis in Conventu S. Thomae Aquinatis,
River Forest, Illinois, suscepit. Tirocinio laudabiliter peracto, professioni die 17a
Martii, 1955, admissus est. Aegra valetudine non obstante, sedulo atque fideliter
implevit varia munera Fratris Cooperatoris, speciatim officium ostiarii, quod magna
cum placentia ministravit. Subito ereptus est, in flore aetatis, mane diei 8ae Octobris,
1957. Frater Josephus Franciscus patronum suum B. Martinum de Porres assidue
imitare nitebatur. Sicut ipse B. Martinus, jucunde constanterque patribus et fratribus
inserviit. Vultu hilaro, sedata voce, omnibus semper placens se ostendit. In animo
humilis, in labore diligens, in aegritudine patiens, in comitatu fratrum laetus et
caritativus, in omnibus obediens, veri religiosi exemplum praebuit.
PATER PHILIPPUS EDUARDUS EMMANS, O.P.
In civitate Bridgeportensi, Conn. natus, die 14a Oct. 1904, professus die 19a Aug.
1925. Pater P. Emmans ad sacerdotium elevatus est die 15a Junii, 1931. In fine cursus
theologici lector S. Theologiae factus est et post duos annos cursus complementarii
apud scholam biblicam S. Stephani in Jerusalem, feliciter examen subiit Romae ad
S.S. Prolytatum obtinendum. Docuit in Studio Generali Immaculatae Conceptionis,
Washingtoni sed hoc munus relinquere coactus est ob visionem debilitatam et
assignatus est ad Conventum SS. Rosarii Minneapolitanum. Visione aliqualiter
ameliorata sub medicorum cura, suscipere denuo poterat officium docendi, primo in
Collegio S. Catherinae, in civitate S. Pauli, dein in Collegio S. Teresiae Winonae, ubi
aegritudine diuturna et maxime dolorosa affectus, animam cessit Domino in
Nosocomio Sanctae Mariae, Rochester, die 3a Dec. 1957.
FRATER RAYMUNDUS STEVENSON, O.P.
Frater Raymundus natus in civitate Halifaxensi, Novae Scotiae, die 8a Oct. 1884, emisit vota simplicia perpetua ut Frater Cooperator die 3a Dec. 1914 in Venerabili Conventu S. Joseph, Somerset, Ohio. Post professionem, assignatus ad Gymnasium 'Aquinas,' unicum annum mansit apud illius communitatem et ad Conventum SS. Rosarii Minneapolitanum assignatus quo vixit per reliquam partem suae longae vitae religiosae, diligentiae et pietatis exemplar egregium omnibus tam Fratribus communitatis quam laicis nostrae paroeciae. Obiit Minneapoli, die 9a Jan., 1958.
PATER WENCESLAUS JOANNES PIEC, O.P.
Pater W. J. Piec natus est die 2a Feb. 1884 prope Cracoviam in Polonia et professus est
die 9a Aug. 1903. Post suam ordinationem sacerdotalem, ratione egregiarum
qualitatum mentis et cordis quibus indutus est, institutus est Magister Novitiorum in
Provincia S. Hyacinthi, quod officium, summae responsibilitatis, tenuit usque ad
annum 1922, quo anno, rogante Adm. Rev. Patre Provinciali Raymundo Meagher,
Provinciae S. Joseph, Rev.mus Pater Mag. Gen. Ludovicus Theissling, annuente Adm.
Rev. Patre Provinciali Provinciae S. Hyacinthi, eum transtulit ad Provinciam S. Joseph
ut auxilium praebeat in ministerio parociae Chicagiensi S. Pii recentius susceptae a
Prov. S. Joseph. Eaedem dotes quibus officio Magistri Novitiorum cum tam insigni
exitu perfungi poterat, mox sibi devincerunt dilectionem et summam aestimationem
tam cleri quam fidelium qui ecclesiam S. Pii frequentabant. Quando accidit ut ecclesia
nostra centrum facta est devotionis erga S. Apostolum Judam Thaddaeum, ipse atque
propagare dictam devotionem vehementissime molitus est. Obiit die l0a Martii, 1958.
PATER LUDOVICUS ALBERTUS HINNEBUSCH, O.P.
In civitate Pittsburghensi, Pa., natus die 15 Nov. 1911, filius secundus familiae sat
numerosae cuius quatuor filii sunt sacerdotes Dominicani, quatuor filiae Sorores
Professae Congregationis Dominicanae S. Mariae ad Fontes, Pater L. Hinnebusch
professus est in Venerabili Conventu S. Rosae, Campifonti, Kentuckiensi, die 26a Aug.
1932. Post completionem cursus theologici, assignatus est ad ministerium parochiale
in paroecia SS. Nominis Kansanopoli, Mo.; in paroecia SS. Rosarii Minneapoli, Minn.
et postremo in Conventu S. Antonii Neo-Aureliensi. Excellentissimus et
Reverendissimus Dominus Archiepiscopus Neo-Aureliae eum constituit in Directorem
seu Promotorem Societatis SS. Nominis pro tota archidiocesi; cum hoc officium, ut
rite administretur, multum tempus et immensum laborem exigat, Pater L. Hinnebusch
ultimos annos suae vitae ei devovit exclusive cum felicissimo exitu. In via ad
quemdam functionem officialem Societatis, specie apoplexiae correptus est et non
multum tempus post mortuus est in noscomio Neo Aureliensi 'Hotel Dieu,' die 10a
Martii, 1958.
FRATER IGNATIUS SCHRANZ, O.P.
Frater Ignatius, natus Kansanopoli die 19a Jan. 1928, post professionem die 2a Mar.
1951 Provinciae inservit primo in Domo Studiorum, River Rorest, deinde in Conventu
S. Rosae, Dubuquensi, postea in Conventu S. Antonii, Neo-Aureliensi et tandem in
communitate Albuquerqiensi, N. Mex., cui incumbit cura Capellae Paroecialis S.
Thomae Aquinatis quam frequentant studentes Universitatis (University of New
Mexico) . Casu adverso, omnium consternationi, occisus est die l0a Aprilis 1959.
PATER THOMAS GEORGIUS KINSELLA, O.P.
Pater Thomas G. Kinsella die 19a Maii 1959 morte subitanea, in Conventu S. Thomae
Aquinatis, River Forest, Illinois, a nobis ereptus est. Natus Novo Portu, Connecticut,
die 20a Febuarii, 1900, die 16a Augusti 1920 in Ordinem professus est. Sacrum
Presbyteratum die 4a Junii 1926 amplexus est et postea per multos annos in Collegio
Providentiense cum fructu laboratus est tum in dirigendo studentes in nostra schola
apostolica, "Guzman Hall." Annis 1935-1943 officium Magistri Studentium in
Conventu S. Thomae Aquinatis, River Forest, adimplevit usque dum Domo nostro S.
Dominici, Oak Park, Ill., in Conventum formalem erecto, in primum Priorem ipse
nominatus est. Tunc annis 1947-52, apud Collegium S. Teresiae, Winona, Minn.,
officio Capellani et Professoris functus est. Postea annis 1952-58 fructuose et
exemplariter uti Prior Conventus S. Petri Martyris, Winona, Minnesota, multos Fratres
novitios et Patres in vita Dominicana instruxit. Ultima assignatio eius fuit in Conventu
S. Thomas Aquinatis, River Forest, ubi cum vere fraterna caritate Fratres Cooperatores
direxit ut Magister. Vitae regularis zelus amator et promotor, memoria eius semper in
benedictione ab omnibus Fratribus habenda erit.
PATER EUGENIUS CAROLUS MONCKTON, O.P.
Pater Eugenius Carolus Monckton, O.P. natus est Chicagiae die la Februarii 1928,
professus die 13a Augusti 1953 et ad presbyteratum die 23a Maii 1959, elevatus est.
Presbyterio vix initiato, occisus est die 12a Decembris, 1959, postquam vehiculum
suum viam dereliquerat prope Lancaster, Wisconsin. A Sororibus in schola paroeciali
Sancti Clementi, Chicagiae, primam educationem recepit. Deinde educatus est spud
gymnasium "De Paul Academy" et apud universitatem "De Paul," Chicagiensis. Ad
tempus servatus est in militia Statuum Foederatorum Americae Septentrionalis.
Et postea ingressus est "Loras College," Dubuquensis, ubi fecit studia praeparatoria ad introitum in Ordinem Praedicatorum. Benignus, beneficus, et studiosus boni communis semper erat. Ad munus apostolicum praedicandi bene dispositus et praeparatus est, et in eundo ad opus hoc apostolicum adimplendum, hic presbyter juvenis occisus est.
PATER LAURENTIUS FRANCISCUS VANDERHEYDEN, O.P.
Natus die 4a Maii 1895, in Oconto, Wisconsin, professus die 14a Iunii 1917, in
Venerabili Conventu S. Joseph, Somerset, Ohio, sacrum ordinem presbyteratus
suscepit die 14a Iunii 1923. Completo curriculo studiorum in Studio Generali
Immaculatae Conceptionis, Washingtonii, Lectoratu S. Theologiae decoratus est et
docuit tres annos in Gymnasio "Aquinas" Columbus, Ohio. Paulo post, assignatus fuit
ad sacras missiones concionandas, praecipue in parte occidentali Provinciae S. Joseph,
et anno 1936 institutus est Caput Missionariorum in illis partibus laborantium. Praeter
hoc, plura ofhcia ei concredita sunt in annis sequentibus, superioris domus SS. Rosarii,
Houston, Texas, et pastoris paroeciae ei annexae 1942-1947; Prioris conventus S.
Dominici, Oak Park, Illinois, 1947-50; Syndici Provinciae et Directoris Provincialis
Societatis SS. Nominis; postremo superioris domus S. Joseph, Ponchatulae, Louisiana,
et parochus paroeciae sub cura illius communitatis, 1956 usque ad diem suae mortis
die 19a Mardi, 1960. Preces Capituli 1948 benigne exaudiens, Rev.mus Pater Mag.
Gen. Emmanuel Suarez eum honoravit instituendo eum in Praedicatorem Generalem
nostrae Provinciae.
NECROLOGIA -- July 19, 1964
PATER JOANNES BERNARDUS DERING, O.P.
Pater Dering natus est in urbe Minneapolis, Minnesota, die 12 novembris, 1913, et in
illa civitate, educationem suam incepit. Professus die 16 augusti, 1939, ad
presbyteratum elevatus est die 23 Martii, 1945.
Assignatione sua prima, ad ministerium paroeciale in domum S. Dominici, Denver, Colorado missus est. Deinde in paroeciam S. Vincentii Ferrerii translatus est, ubi erat syndicus et vicarius cooperator usque ad annum 1953. Annis 1954-1955, iisdem officiis apud domum SS. Rosarii, Minneapolis, Minnesota fungebatur. Anno 1955, conventui S. Rosae assignatus est ubi laborabat ut syndicus usque ad mortem suam. Die 23 decembris, 1960 munere confessarii ante Nativitatem Domini expleto, in reditu ad S. Rosam subitanea sed non improvisa morte correptus est collisione vehiculari.
PATER JACOBUS ANTONINUS QUINN, O.P.
Die 31 martii, 1909, Pater Quinn in New York, New York natus est. Primam
instructionem recepit in eadem civitate. Die 16 augusti, 1931, vota sua emisit et 11
junii, 1937, ad sacrum presbyteratum elevatus est. Per plures annos in gymnasio
"Fenwick," Oak Park, Illinois, et breviter in collegio "Siena Heights," Adrian,
Michigan docebat.
Officia sua docendi interrupta sunt a bello quando nomen suum dedit servitio militari ut capellanus. Primo assignatus est capellanus classi navali. Munere suo ita honorifice fungebatur ut reciperet commendationem specialem ad insulam Iwo Jima. Postea, in bello Koreae ut capellanus militum classicorum erat.
Bello finito, Pater Quinn officia regularia resumpsit. Assignatus est ad domum prioralem S. Antonii, New Orleans, Louisiana, ubi erat Director Spiritualis Societatis Sanctissimi Nominis Jesu pro tota archidioecesi. Fatigatus et debilis ex asperis bellorum, in Nosocomium S. Albani, New York pro chirugia introivit. Paulo post die 29 januarii, 1961, obdormivit in Domino.
PATER JOHANNES RAPHAEL KELLEHER, O.P.
Pater Kelleher in New York, New York, 14 augusti, 1897 natus est. Elementaria sua educatione recepta in eadem regione, superiora sua studia interrupit ob primum bellum mundiale quo durante in navi bellica sua patria servivit. Partcipavit actionem bellicam in Mari Atlantico ubi hostili actione naufragavit.
Post bellum renovavit eius studia in Universitate Catholica, Washington, D.C., deindeque introivit Ordinem. Professus die 28 martii, 1921, ordinatus est die 9 junii, 1927. Degit unum annum in collegio "Manhattan," postquam in gymnasio "Fenwick," cujus facultatis fuit sodalis.
Deinde Pater Kelleher docebat in Collegio "Providence," posteaque assignatus est ecclesiae paroeciali S. Vincentii Ferrerii New York, tamquam syndicus conventus praesesque Societatis SS. Nominis Jesu paroecialis. Ab 1936 in 1938, subprior erat conventus S. Vincentii Ferrerii donec designatus est parochus ecclesiae S. Joseph, Ponchatula, Louisiana. In 1940, ad gymnasium "Fenwick" ad praestandum officium domus superioris rectorisque scholae revocatus est.
Munere in "Fenwick" completo, prior electus est Conventus SS. Rosarii, Minneapolis, Minnesota. Postea servivit in paroecia SS. Rosario, Houston, Texas, et ultimo assignatus est ad paroeciam S. Vincentii Ferrerii, River Forest, Illinois, ubi 19 julii, 1961, mortuus est.
PATER PHILIPPUS BENNETT PENDIS, O.P.
Natus est in civitate Quincy, Massachusetts, die 16 martii, 1914. Studia elementaria in
civitate suae nativitatis complevit. Professus die 16 augusti, 1935, die 7 Junii, 1941,
sacerdotio initiatus est.
Studiorum cursu anno sequenti expleto, ad ministerium paroeciale assignatus est, quod exercuit ferventer et fructuose, primo in paroecia SS. Rosarii, Minneapolis, Minnesota, et deinde in paroecia SS. Rosarii, Houston, Texas.
Paulo postea assignatus est ad sacras missiones concionandas. Anno 1951, Caput missionariorum in partibus meridionalibus institutus est; anno 1953, Pater Philippus concursu violenti vehiculorum graviter laesus est. Sanitate eius aliqualiter instaurata medicorum cura, suscipere denuo poterat officium parochiale in Conventu S. Antonii, New Orleans, Louisiana. Anno 1960 ad domum S. Alberti Magni assignatus, iterum resumpsit munus praedicandi missiones paroeciales; brevi, autem, ob effectus prioris infortunii adeo debilitare incepit ut non posset amplius operibus ministerii perfungi. Exemplar diligentiae et pietatis egregium omnibus tam fratribus quam laicis, Pater Philippus in somno obiit in Conventu S. Antonii, New Orleans, Louisiana, die 19 octobris, 1961.
A.R.P. ANTONINUS EDMUNDUS BAXTER, O.P., P.G.
Natus est in East Saint Louis, Illinois, die 22 martii, 1883, ultimus duodecim liberorum. Prima educatione sua recepta in scholis localibus, professus die 25 decembris, 1904, ordinatus est die 24 junii, 1910.
Primo assignatus est rebus paroecialibus, sed incipiente primo bello universali servitio militari addictus est in quo munus capellani militaris peregregie egit et recepit "Croix de Guerre" a gubernio Galliae.
Rediens de muneribus bellicis, Pater Baxter institutus est parochus et superior in multis locis. Erat secundus parochus, anno 1932 S. Pii, Chicago, Illinois, cum electus est prior, S. Mariae, New Haven, Connecticut. Ad finem officii sui, assignatus est in diversis locis ubi fideliter laudabiliterque laboravit; S. Mariam, Johnson City, Tennessee; SS. Rosarium, Houston, Texas; SS. Nomen Jesu, Kansas City, Missouri; S. Helenam, Amite, Louisiana.
Pater Baxter erat praedicator illustris et honoratus est titula Praedicatoris Generalis a Rev.mo P. Magistro Generali, anno 1948. Erat caput coetus missionurn Chicagiae, Illinois, cum servitium activum relinquere coactus est propter infirmam salutem; nihilominus manebat mentaliter activus quamquam in sella ambulatoria sedere deberet. Anno 1960 celebravit jubilaeum aureum inter fratres et amicos suos. Mortuus est die 5 decembris, 1961, et sepultus in coemeterio "All Saints."
PATER CYRILLUS ALOYSIUS THERRES, O.P.
Pater Therres in urbe Minneapolis, Minnesota, die 2 novembris, 1896 natus est. Educationem primam in eadem civitate recepit. Die 8 decembris, 1917 professus, die 10 junii, 1924 ordinatus est. Ecclesiae S. Dominici, Youngstown, Ohio primo assignatus est ubi aliquot annos manebat. Postea paroeciae baptismi eius, SS. Rosarii, Minneapolis, Minnesota servitium dabat.
Tempore provincialis nostri primi, A.R.P. Petri O'Brien, Pater Therres erat syndicus provincialis, River Forest, Illinois, residens. Postea, ut syndicus conventus apud paroeciam S. Pii, Chicago, Illinois, laborabat.
Multos annos in partibus meridionalibus degit. In Boyce, Louisiana, et in Amarillo, Texas, assignatus est. Erat pastor ecclesiae Nativitatis, Campti, Louisiana. Operarius indefessus et praedicator egregius, postremos annos in domo Novitiatus, Winona, Minnesota, peragebat. Tempore mortis, die 24 novembris, 1962, munera sua ut subprior fideliter explebat.
PATER EUGENIUS MATTHAEUS CUDDY, O.P.
Pater Cuddy in Philadelphia, Pennsylvania, die 14 januarii, 1914, natus est. Studiis
elementariis in schola paroeciae SS. Nominis expletis, gymnasio "Northeast Catholic"
apud civitatem eius nativitatis sese addixit. Studia sua in collegio "Aquinas,"
Columbus, Ohio et "Providence," Providence, Rhode Island continuabat. Professus die
16 augusti, 1935 ordinatus est die 7 junii, 1941.
Studiorum cursu expleto, missus est ut doceret in Studio nostro River Forest, Illinois, et in Universitate "De Paul," Chicago, Illinois. Deinde ad sacras missiones concionandas in partibus medio-occidentalibus assignatus est. De 1947 ad 1950 munera eius missionarii interrupta sunt, quo tempore ut prior in conventu SS. Rosarii, Minneapolis, Minnesota servivit.
Ad labores missionarios breviter rediens, parochus ecclesiae S. Dominici, New Orleans, Louisiana in 1951 factus est. Post tres annos ad opus praedicandi iterum rediit. Multis annis in Chicago, Illinois, residebat. Deinde ad conventum S. Alberti, Minneapolis, Minnesota, translatus est ad labores suos ut caput coetus septentrionalis missionarii incipiendos.
In medio missionis morbo acerbo percussus ad nosocomium immediate latus est. Paulo post, Ordo noster praedicatorem illustrem et filium fidelem amisit. Obdormivit in Domino die 9 februarii, 1963.
A.R.P. VINCENTIUS FERRARIUS LEO KIENBERGER, O.P., P.G.
Die 27 januarii, 1893 in civitate Oconomowoc, Wisconsin, natus est. Eruditionem
autem suam accepit in Chicago, Illinois, primo in schola paroeciali "Visitation," deinde
in seminario minori "Quigley," et collegio "St. Ignatius." In Ordine nostro cooptatus,
professionem suam emisit die 18 septembris, 1912 et postea die 10 maii, 1918, ad
presbyteratum elevatus est.
Juvenis sacerdos munere magistri in collegio "Providence" functus est. Deinde anno 1925, ad novam paroeciam S. Dominici, Detroit, Michigan, assignatus est, tamquam primus ejus parochus.
In officio parochi perseveravit ad annum 1935, quo tempore incepit labores missionarios in quibus sese occupabat usque ad mortem suam. Praedicans per totas partes orientales et medio-occidentales Statuum Foederatorum, Pater Kienberger sedem suam per illos annos in variis civitatibus habuit. Aliquod tempus degebat in conventu nostro S. Pii, Chicago, Illinois, priusquam ad Minneapolim, Minnesota, translatus. Ibi, ut membrum coetus missionarii, assignationem suam ultimam habuit.
Pater Kienberger scripsit aliquot libros religiosos, et edidit varia scripta in ephemeridibus et diariis catholicis. Etiam erat hbrorum criticus pro ephemeride hebdomadaria archidioecesis Chicagiensis, "The New World." Sodalis associationis "Living Catholic Authors" erat, et per multos annos munere secretarii huius societatis fungebatur. Anno 1952, titulo Praedicatoris Generalis a Magistro Generali adornatus est.
Amplissimam familiaritatem cum clero, tum regulari tum dioecesani, habuit, et permagnum epistolarum commercium fovit. Consiliarius erat sacerdotum, religiosarum laicorumque, et plures vocationes nutrivit.
Subito morbo cordis correptus, in nosocomium intravit, ubi, post unum mensem, spiritum suum Deo reddidit, die 9 aprilis, 1962. Corpore suo in funebri lecto jacente, a die Paschae usque ad feriam tertiam, concursus continuus amicorum, religiosarum religiosorumque et officialium civicorum, exuvias eius honoravit. Die 16 aprilis, in ecclesia nostra S. Pii, exsequias eius peractae sunt, magno cum sacerdotum conventu, religiosorum religiosarumque, et amicorum laicorum. Sepultus est in campo dominicano, in coemeterio "All Saints," Des Plaines, Illinois.
PATER FRANCISCUS LUDOVICUS BERTRANDUS CUNNINGHAM, O.P.
Natus est Chicagiae, Illinois, die 8 julii, 1917. Apud scholam paroecialem "Ascension"
et gymnasium "Fenwick," in Oak Park, Illinois, primam instructionem recepit. Postea, primo ad Universitatem "Notre Dame," deinde ad "Harvard Graduate School" studiis
excelluit.
Membrum primi cursus novitiatus Provinciae S. Alberti Magni fuit et die 5 augusti, 1941, professus est. Die 5 junii, 1947 ordinatus, primo ad "Glenmary Mission Seminary" assignatus est, ubi Sacram Scripturam docebat. Post haec, ad Angelicum, Roma, missus est. Ibi, duobus annis elapsis lauream obtinuit. Ad patriam suam rediens, sacram theologiam apud conventum S. Rosae docere incepit. Causa excellentiae suae academicae acclamatus est a studentibus et a collegis in facultate. Conditor et redactor litterarius "Priory Press" necnon redactor generalis et unus ex auctoribus principalibus seriei late adhibitae "College Texts in Theology" erat.
Cum a morbo acerbo in 1959 debilitatus est, opera editoris "Priory Press" tamen continuabat. Januario, 1961, etiam onus syndici conventus assumpsit, quod usque ad mortem tulit. Ut syndicus permagne manifestavit caritatem quae totam eius vitam illustravit. Decembri, 1962, in medica eius corporis inspectione gravis eius aegritudo detecta est. Post chirurgicem investigationem certo innotuit morbus eius esse insanabilem. Deinde vitam activam resumpsit donec sanitas eius notabiliter declinavit media aestate, 1963. Circumdatus familia eius et fratribus Dominicanis, obdormivit in Domino, die 24 Septembris, 1963.
PATER HENRICUS FRANCISCUS HOHMAN, O.P.
Natus est in East Pittsburgh, Pennsylvania, die 22 julii, 1918. Expletis studiis
junioribus in Sharon, Pennsylvania, eodem loco ut administrator in negotiis
saecularibus laboravit usque ad 1942, quo tempore servitio militari addictus est. In
secundo bello mundiali actionem bellicam in Europa gessit. Anno 1946, expletis
muneribus militaribus, studens "Duquesne University" apud Pittsburgh, Pennsylvania,
inscriptus est et 1949 ad gradum bacculaureatus promotus est.
Eodem anno habitum dominicanum recepit. Die 15 decembris, 1950, professus est. Cursum philosophicum in River Forest, Illinois, complevit; cursum theologicum, partim in Dubuque, Iowa, partim apud domum Studiorum Oakland, California, explevit. In ecclesia cathedrali S. Mariae, San Francisco, California, ordinatus est die 10 junii, 1955.
Assignatio prima ad Conventum S. Pii fuit, ubi officium peregit secretarii A. R. P. Provincialis. Ephemeridis Dominican Life fundator fuit et redactor ipsius mansit usque ad mortem. Etiam laboravit in opere promovendi vocationes Ordini nostro. Director "Society for Vocational Support" factus est anno 1962.
Pater Hohman ad bonum Ordinis promovendum valde operatus est tam laboribus quam exemplo suo. Quamquam conscius morbi sui lethalis, ab operibus non destitit nisi duas hebdomadas ante mortem suam. Clarus mente et plene resignatus, dum fratres eius verba Salve Regina cantabant, obdormivit placide apud Nosocomium "Columbus" in Chicago, Illinois, die 12 novembris, 1963.